Нови позитивни на тестирањата за коронавирус во фудбалска Шпанија, по оние во Атлетико Мадрид каде позитивни имаше двајца, и тоа фудбалери, овој пат идентична бројка заразени доаѓа од Валенсија.

Од шпанскиот прволигаш денеска и официјално ја потврдија оваа вест, додавајќи дека двете лица се веќе во самоизолација во сопствените домови, а нивниот идентитет засега е непознат за пошироката јавност.

Претходно, Анхел Кореа и Шиме Врсаљко беа фудбалерите кои се здобија со вирусот во редовите на Атлетико Мадрид, меѓутоа што се однесува до Валенсија, не е познато дали заразените се од фудбалскиот, или не-фудбалскиот персонал.