Поради кризата од ковид-19 наводно Јувентус сакал да го продаде Кристијано Роналдо со цел да ги намали трошоците кои ги дава за неговата голема плата.

Неговиот агент Жорж Мендеш почнал да му бара нов клуб, а ја контактирал и Барселона давајќи им идеја дека сега е моментот кога може да се реализира она што и тешко може да се замисли, да играат заедно Лео Меси и Кристијано Роналдо.

Мендеш го понудил Роналдо на ПСЖ и на неговиот поранешен клуб Реал Мадрид. Го понудил буквално на сите клубови кои мислел дека можат да му ја дадат истата плата која тој ја добива во Јувентус, но мисијата завршила неуспешно.

Роналдо на крајот остана во Јувентус, а таму ќе биде и следната сезона во која италијанскиот шампион ќе биде предводен од Андреа Пирло.