Барселона оваа сезона играше под очекувањата, јасно беше дека требаат големи промени, а ако некој не мислеше така, сигурно ќе се предомисли по вечерашниот дуел со Баерн Минхен.

Шампионот на Германија ги понижи „каталонците“, им даде по четири гола во двете полувремиња и славеше со убедливи 2-8.

Резултатот беше отворен во 4. минута, Милер донесе водство од 0-1. Барса брзо се врати во игра, Алаба ја затресе сопствената мрежа за 1-1 во 7. минута.

Но потоа следеа три гола за десетина минути игра. Перишиќ, Гнабри и Милер по втор пат, донесоа 1-4 по половина час игра, резултат со кој се замина на пауза.]

Луис Суарез во 57. минута намали на 2-4 и ја врати малку надежта, но Баерн не се опушти и го дотолчи противникот.

Кимих реализираше за 2-5, а во 82. минута од мечот и Левандовски се запиша во листата на стрелци. Во финишот од мечот, Филипе Кутињо два пати го матираше Тер Штеген за конечни 2-8.