Категорија: Лига на Шампиони 14.08.2020 23:40
Столчето на Кике Сетиен се тресеше и претходно откако Барселона ја загуби битката со Реал Мадрид во трката за титулата во Шпанија, и ретко кој очекува тој да остане по срамниот пораз од 2-8 против Баерн Минхен во Лигата на шампионите.
Но стратегот нема намера да си поднесе оставка, вели дека требало да се прави анализа и клубот бил тој што ќе пресудел за неговата иднина.
„Ова е навистина болен пораз, примивме многу голови. Добар дел од коментарите на Жерард Пике се на место. Треба да извлечеме заклучоци и да донесеме одлуки. Знам дека многумина сметата дека треба да си одам, но тоа не зависи од мене. Треба да се направи добра анализа, и клубот да донесе одлука. Овој понижувачки пораз прави штета и сигурно ќе има промени, но прерано е да се каже дали ќе продолжам или не“ – вели Сетиен.