Категорија: Франција 18.08.2020 11:58
Во петок треба да стартува најсилното фудбалско првенство на Франција, на воведниот меч силите ќе ги одмерат Марсеј и Сент Етјен. Но натпреварот сега е под знак прашалник и најверојатно ќе биде одложен.
Од таборот на Марсеј денеска потврдија три нови случаи на коронавирус. Минатата недела, Жордан Амави беше првиот играч на клубот од Велодром заразен со ковид-19, а тестовите направени во сабота донеле три сомнителни случаи.
Вчера било извршено ново тестирање на играчите и персоналот, нема нови заразени, но тројцата сомнителни од саботата биле потврдени како позитивни.
Марсеј целата документација ја доставил до ЛФП, и во следните часови ќе падне конечна одлука дали ќе се игра мечот против Сент Етјен.