Категорија: Останато 05.09.2020 15:44
Селекторот на најдобрата италијанска фудбалска репрезентација, Роберто Манчини ја презеде одговорноста за тоа што Џорџо Кјелини остана на клупата за резерви на синоќешниот меч, и тоа се случило поради негова голема грешка.
Местото на Кјелини сосема случајно го зазеде Франческо Ачерби во почетниот состав на „Аѕурите“, а тоа донесе големо изненадување за пошироката фудбалска јавност која брзо увиде дека капитенот е изоставен.
„Тоа беше моја вина, тие ми го покажаа почетниот состав, во тие моменти не ги носев очилата на себе, само потврдив дека е во ред, воопшто не увидов дека Ачерби стартува на местото на Кјелини“ објасни Манчини кој вети дека во понеделник за пресметката со Холандија Кјелини ќе биде стартер.
„Како и да е, ние првично имавме план Ачерби да го одигра едниот, а Кјелини другиот меч, го прашав Кјелини дали сака да игра на првиот, тој ми потврди, сега ќе мораме да менуваме, но, замислата беше таа“ додаде тој.