Категорија: Англија 10.09.2020 16:54
Челси е најактивниот клуб во летниот преоден рок, но Лампард за првото коло нема да може да смета на три засилувања.
Зијеш и Чилвел не се опоравени од повреди, а Тијаго Силва подоцна се приклучи на подготовките па уште не е спремен да дебитира.
„Хаким Зијеш заработи повреда на коленото па нема да биде фит. Се надеваме дека е прашање на недели, неколку недели, но ќе видиме“, вели Лампард.
„Бен Чилвел работи на неговиот фитнес и има подобрувања оваа недела. Се движи во вистинска насока но нема да биде подготвен за Брајтон“.
„Тијаго е во Лондон но не тренираше со нас до викендот, па не мислам дека ќе биде подготвен за натпреварот“.
Кристијан Пулишиќ и Цезар Аспиликуета кои исто така се мачеа со повреди се подготвени.
„Среќен сум што ги имам нив двајца назад. Тие тренираа и се во комбинација за мечот во понеделник. Според начинот на кој работеа може да се види дека повредите се минато за нив“.