Лаутаро Мартинез останува во Интер, ова го изјави неговиот агент по средбата со раководството на „нероаѕурите“.

Изминатиов викенд, агентите на Лаутаро Мартинез беа во Барселона, а според Спортмедиасет, на пат кон Милано застанале и во Мадрид на средба со Реал на која наводно паднал договор.

Се најавуваше дека на состанокот со Интер ќе бидат презентирани понудите од двата гиганти од Шпанија и ќе се разговара за трансфер, но играчот нема да го напушти Милано.

На излегување од канцелариите, Бето Јаке разговараше со медиумите и порача: „Нема ништо со Барса и Реал. Лаутаро останува“.

Според добро упатениот Ди Марцио, по завршувањето на преодниот рок, Интер и агентите одново ќе седнат на маса да разговараат за нов договор на Аргентинецот и поголема плата.