Категорија: Шпанија 21.09.2020 13:05
Откако му пропадна трансферот во Јувентус, Луис Суарез си подал рака со Атлетико Мадрид. Како што пренесува Мундо Депортиво, напаѓачот ги договорил личните услови со клубот од „Ванда Метрополитано“ и е во постојан контакт со директорот Хил Марин и тренерот Диего Симеоне.
Сепак, остануваат две големи пречки за реализација на зделката. Луис Суарез треба да пронајде јазик со Барса за прекин на соработката. „Каталонците“ му понудиле 7 милиони евра и одврзани раце да оди каде сака, но играчот бара целосна исплата на последната година, односно 14 милиони евра.
Исто така, Атлетико Мадрид треба да направи место во своите редови. Намерата е да биде продаден Диего Коста за да приберат десетина милиони но и да се тргне неговата плат од сметката. Сепак, во моментов нема понуди за Бразилецот со шпански пасош. Втора опција е заминување на Алваро Мората, за кого интерес пројавува Јувентус.