Ерата на Роналд Куман започна со убедлива победа од 4-0 над Виљареал. Сите сакаа да видат како ќе изгледа Барса но и Лео Меси по барањето на Аргентинецот да си замине од Камп Ноу. Напаѓачот 17. сезона по ред постигна гол во Ла Лига откако погоди од белата точка, но шоуто го украде тинејџерот Ансу Фати.

17 годишното момче за четири минути два пати се запиша во листата на стрелци, а го изнуди и пеналот кој го реализираше Лео Меси.

Во финишот на првиот дел, гостите си постигнаа автогол, Пау неспретно реагираше при обидот да пресече едно додавање од Меси за Бускетс.

Во продолжението од мечот мрежите не се тресеа, но „каталонците“ прикажаа импресивна партија.