Норвежанецот се најавува како засилување за офанзивата на Стефано Пиоло, а гласините добија на интензитет по неговата одлична партија на Сан Сиро во Лига Европа, кога постигна прекрасен гол и забележа асистенција.

„Знам дека има контакти. Им се допадна тоа што го видоа кога игравме, a им се допадна и она што го видоа претходно. Ќе треба да почекаме и да видиме што ќе се случи. Ми се допаѓа фудбалот на Милан, мислам дека ќе уживам во нивната игра. Ова е шанса за која мора сериозно да размислам“ – вели Јенс Петер Хауге.

„Секако, нивната понуда ќе треба да ги задоволи барањата на Бодо/Глимт“.

Се шпекулира дека Милан нуди 4 милиони евра, додека пак клубот од Норвешка бара 6 милиони евра, разлика која лесно може да се надмине во следните денови.

Но се верува дека поголем проблем е желбата на 20 годишното момче да ги одигра последните два месеци од сезоната во Норвешка и да се радува на титулата. Бодо/Глимт доминира оваа сезона и во моментов има +18 на врвот на табелата.

Запрашан дали ќе ја заврши сезоната во Бодо/Глимт или ќе направи трансфер, тој додава: „Тешко е да се каже, можe да се случи и тоа и тоа“.