Тимот на Гатузо кој беше казнет откако не отпатува на гостувањето кај Јувентус, со прекрасна партија против Аталанта ја продолжи сезоната.

Се очекуваше неизвесен меч, но тоа не беше случај, во рок од 20 минути во првото полувреме Наполи постигна четири гола и на крајот победи со 4-1.

Серијата погодоци почна со блесок на Лозано кој погоди во 23. и 27. минута, потоа во 30. минута следуваше прекрасен гол на Политано, а четвртиот гол го даде Осимен во 43. минута. Тоа беше негов прв официјален во дресот на Наполи.

Аталанта од која се очекуваше многу повеќе на овој меч, до крајот успеа само да намали преку Ламерс во 69. минута.