Категорија: Англија 06.05.2016 11:08
Барнли веќе се избори за промоција во најсилното првенство на Англија, а овој викенд ќе го добиеме вториот директен патник, и тоа во меѓусебниот дуел помеѓу Мидлсбро и Брајтон.
Аналитичарите од „Островото“ велат дека ова е најдоходовниот натпревар во светот на фудбалот и проценуваат дека победникот ќе си обезбеди приходи од најмалку 215 милиони евра.
Од следната сезона во Премиерлигата на сила стапува новиот договор за ТВ права и Мидлсбро или Брајтон ќе добијат најмалку 120 милиони евра од настапот во најсилното првнество на Англија, како и додатни 95 милиони во наредните две сезони од загарантираниот фонд кои им се доделуваат на клубовите кои ќе испаднат.
Доколку Мидлсбро или Брајтон ја преживеат првата сезона по враќањето во елитата, нивните приходи ќе бидат фантастични 370 милиони евра.