Категорија: Шпанија 17.05.2016 11:44
29 годишниот Единсон Кавани често се поврзува со заминување од ПСЖ, а за неговите услуги интерес пројавуваат неколку клубови од Премиерлигата како и Јувентус.
Според Диего Годин, напаѓачот е отворен за идеата да се пресели во Атлетико Мадрид, и открива дека во неколку наврати го повикал својот сонародник да му се придружи на Висенте Калдерон.
„Неколку пати разговарав со него и го повикав да ми се придружи во Атлетико” – вели капитенот на „Колчонероси“. „Го обожава клубот, го обожава Атлетико Мадрид”.
„Го сака стилот што го негуваме бидејќи е сличен на оној што го играме во репрезентацијата и како го разбираме фудбалот во Уругвај”.
„Му се допаѓа идеата да го облече дресот на Атлетико”.