Категорија: Италија 24.06.2016 12:11
26 годишниот Италијанец минатата сезона прикажа извонредни партии и со 30 погодоци зад своето име беше најдобар стрелец во Серија Б.
Па многу клубови од најсилното првенство на Италија пројавија интерес за неговите услуги, и долго време се говореше дека Џанлука Лападула е блиску до трансфер во Наполи.
Сепак, Милан во последен момент достави понуда и успеа да ја победи конкуренцијата.
Според пишувањата на медиумите „Росонерите“ вчера со Пескара постигнале договор за трансфер вреден 9 милиони евра плус бонус од 1 милион.
Џанлука Лападула утрово пристигна во Милано на лекарски прегледи, и за новинарите изјави: „Двете страни го сакаа ова. Многу сум среќен”.
„Сакам да му се заблагодарам на Адриано Галијани и претседателот Силвио Берлускони, кому му посакувам брзо опоравување”.