„Сега сум среќен што конечно можам да играм. Очекувам наскоро да дебитирам за Вардар. Ова за мене е прво искуство надвор од Ерменија, и ќе дадам се од себе да оставам силен впечаток. Знам дека амбициите на овој клуб се двојната круна и настапите во Лигата на шампионите идната година. Имав можност да ги гледам двата меча со Динамо и Вардар беше рамноправен, дури и подобар ривал. Тоа носи оптимизам, и се надевам на повеќе среќа следниот пат. Оваа екипа има потенцијал за успех не само во Македонија, туку и на меѓународна сцена. Имав можност да бидам дел од подготовките и можев да приметам дека Вардар напредува и веќе го следи теркот на гоелмите екипи со својот тренинг камп“, изјави Барсегјан. 

 

Тигран Барсегјан е роден на 22.09.1993 година. Беше дел од екипите на Гандзасар, Банантс, Мика, а сега ќе го носи дресот на македонскиот шампион. Новото засилување на Вардар е и ерменски репрезентативец, и има три настапи за селекцијата и постигнато еден гол.