Лоши вести за „Црвените Ѓаволи“, репрезентативецот на Ерменија мораше предвреме да го заврши денешниот реванш со Сент Етјен во Лига Европа.

И покрај тоа што Манчестер јунајтед има сигурна предност од 3-0 од првиот натпревар, Жозе Мурињо попладнево испрати силен состав на теренот.

Квалитетот на клубот од Олд Трафорд уште еднаш дојде до израз и Хенрих Мхитарјан погоди за 0-1.

Сепак, плејмејкерот неколку минути подоцна мораше да го напушти теренот откако се пожали на повреда на задната ложа на десната нога.

Фановите и Жозе Мурињо сега нервозно ќе ги чекаат резултатите од деталните тестови, но се очекува Ерменецот да го пропушти финалето од Лига Купот против Саутемптон во недела.