Категорија: Англија 24.04.2017 23:42
Рафа Бентиез успеа експресно да го врати Њукасл во Премиерлигата, популарните „чавки“ вечерва славеа со 4-1 во дуелот со Престон и на две кола пред крајот си обезбедија промоција во најсилното првенство на Англија.
Њукасл можеби не одигра брилијантна сезона, но работата е завршена, клубот од Сент Џејмс Парк одново ќе биде дел од елитата.
Слична беше ситуацијата и вечерва, Њукасл на пауза можеби замина со предност од 2-1, но Престон во првиот дел беше рамноправен противник, а на моменти и подобар.
Гостите му креираа проблеми на противникот се додека Галагер не доби црвен картон за намерно играње се рака во 64. минута.
Со голот на Ричи од пенал и вториот погодок на Перез, Њукасл потоа ги реши сите дилеми за големо славје и промоција во Премиерлигата.