Категорија: Англија 16.10.2017 20:51
Манчестер Сити гази се пред себе, на добар пат е до крај да се бори за титулата во англиската Премиерлига, а можеби и им се насмевнува големиот успех.
Шпанскиот стратег Пеп Гвардиола го предводеше својот тим до деве победи во серија, со што по осум одиграни кола во Премиерлигата и 22 освоени бода Манчестер Сити е прв на табелата без ниту еден пораз засега.
Но, контроверзниот 35 годишен фудбалер на Барнли, Џои Бартон не мисли дека успехот на Сити е дело на Гвардиола, тој посочи да му се даде буџетот на неговиот клуб, за да на дело се видат тренерските способности на Шпанецот, мислејќи на саботниот триумф на Сити од 7-2 на домашен терен над Стоук.
„Гвардиола е можеби најдобриот во светот, но дајте му го буџетот на Барнли и нема да можете да видите 7-2. Да не се залажуваме...“ напиша Бартон на социјалните мрежи.
Што се однесува пак до Барнли, на оваа екипа и оди одлично во најсилниот англиски фудбалски шампионат, а Бартон, тој е суспендиран поради незаконско обложување пред неколку месеци, а ќе биде вон фудбалските терени 18 месеци, од кои шест веќе изминаа.