Поранешниот играч на Реал Мадрид, сега еден од главните во тимот на Сосиедад, Асиер Иљараменди има пофалби за играта на Вардар, но верува дека тие се поквалитетни и ќе го покажат тоа.

„Утре имаме важен натпревар со Вардар, но не е одлучувачки бидејќи имаме уште за игра. Не го потценуваме Вардар, но веруваме во себе и очекувам да победиме и да ги освоиме трите бода. Денес во фудбалот мали се разликите помеѓу тимовите, ние сме фаворити на хартија, но тоа треба да го потврдиме на теренот“ - вели Иљараменди.

„Вардар игра убав фудбал, практикуваат слична игра како и ние, со топка. Сакаат да играат офанзивно и високо се бранат. Ќе сакаат да ги освојат првите бодови, но верувам дека тоа нема да се случи“.