Говорејќи во интервју за „Мундо Депортиво“, бекот на Барселона, Жорди Алба изјави дека се чувствува подобро откако си замина Нејмар од клубот, а за тоа образложи и детали.

„Нејмар е голем фудбалер, тој реши да си замине врз основа на неговите чувства или пак околности. Како и да е, има многу фудбалери кои можат да направат одлична работа во тимот и задоволен сум од составот кој го имаме во моментов“ истакна Алба.

„Сега имам многу слободен простор за игра, ќе бидам искрен и ќе кажам дека за мене лично во моментов е подобро. Ја зголемив самодовербата, со повеќе простор на левата страна, имам комфор во играта и тоа го демонстрирам на теренот. Уживам како никогаш досега...“ додаде бекот на Каталонците.