Категорија: Шпанија 13.11.2017 13:19
Бразилецот изминатово лето за 222 милиони евра пристигна во Париз, но се почесто се говори дека неговата авантура на Паркот на Принцовите не оди според планот.
Наводно Нејмар не е среќен, па престојот во главниот град на Франција може да биде многу краток.
Реал Мадрид се посочува како следната дестинација, и медиумите од Шпанија веќе почнуваат со шпекулациите за сензационален трансфер.
Марка изминатиов викенд пренесе дека „Кралевите“ имаат 200 милиони евра за да го купат најдобриот играч, и секако тоа е Нејмар.
Дон Балон оди подалеку, вели дека Флорентино Перез не сака да се игра играчки па е подготвен на ПСЖ да му достави понуда која тешко се одбива.
Првиот човек на Реал е подготвен во Париз да ги испрати Герет Бејл и Тони Крос, и верува дека двајца играчи од светска класа како и одредена сума на пари ќе бидат доволни за да ги убеди „Светците“ да го продадат Нејмар.
„Флорентино Перез е подготвен на се и не сака да си игра играчки. Претседателот на Реал Мадрид е убеден дека ќе успее да го купи Нејмар, ако не ова лето, тогаш следното” – пишува Дон Балон.
Останува да се види колку вистина има во една ваква сторија, Дон Балон не е премногу веродостоен извор.