Категорија: Македонија 21.11.2017 18:25
Агим Ибраими конечно ги надмина компликациите околу регистрацијата во Домжале, врза два настапи за словенечкиот прволигаш а нему конечно му тргна, бележејќи учинок од четири победи и еден пораз во петте последни натпревари од шампионатот на Словенија.
Ибраими заедно со Зени Хусмани го одиграа целиот меч за Домжале во минималниот триумф на домашен терен над Кршко со 1-0, а токму Ибраими се најде во една мошне интересна ситуација од овој меч за која пренесоа повеќето медиуми во Словенија.
Очигледно е дека нашиот Ибраими е и повеќе од расположен за игра, па не е важно дали неговиот тим е во водство, важно е да се искористи секоја ситуација да се нападне противникот по брза „постапка“...
„Нашиот тим игра брза игра. Понекогаш пребрза...“ беше дел од коментарот на официјалниот твитер профил на клубот.