Категорија: Шпанија 08.12.2017 15:57
Зинедин Зидан, шефот на стручниот штаб на Реал Мадрид имаше одлична кариера, но мораше да одговори на исклучително незгодно прашање за тоа кој е подобар, тој или пак Кристиано Роналдо.
„Роналдо е најдобриот фудбалер на сите времиња, тоа што го може тој, не го може никој. Кристиано или Зидан? Јас сум подобар... Се шегувам, Роналдо е многу подобар отколку што бев јас“ рече Зидан.
„Учинокот на Роналдо е огромен, неговата работа е феноменална. Некои фудбалери би можеле во некој клуб да останат и 20 години, но никогаш не би го постигнале тоа што тој го направи досега. Роналдо е дел од историјата на Реал Мадрид, го гледам во клубот засекогаш“ додаде Французинот.