Категорија: Франција 27.02.2018 12:33
„Светците“ изминатово лето го направија Нејмар најскапиот фудбалер во историјата откако искешираа 222 милиони евра, а го направија и еден од најплатените во светот на фудбалот со плата од преку 36 милиони долари.
Напаѓачот исто така во Париз има привилегии како ниту еден друг ирач, но ниту тоа не е доволно за Бразилецот да си ја ризикува кариерата за ПСЖ.
Тој има микро фрактура на петата метатарзална коска на стапалото, постоеше можност да стисне заби и да настапи на реваншот против Реал Мадрид во Лигата на шампионите но да ризикува посериозна повреда и подолга пауза.
Со оглед на тоа дека ова лето е Светското првенство, Нејмар не сака да ризикува па во следните денови ќе замине на операција за целосно да ја санира повреда. Ваквата вест прв ја пренесе Глобоеспорте, а потоа ја потврди уште еден реномиран извор од Бразил, УОЛ Еспорте. Двата медиуми велат дека самиот Нејмар уште вчера донел одлука да оди под нож.
Се уште не е одлучено дали операцијата ќе биде изведена во Франција или Бразил. Се очекува тој да паузира два месеци и да се врати на терените во мај со што ќе има доволно време да влезе во топ форма за мундијалот во Русија.