Категорија: Италија 18.03.2018 23:09
Избраниците на Сари го искористија киксот на Јувентус за одново да ја направат интересна трката за Скудетото. Вечерва Наполи ја доби пресметката со Џенова со минимални 1-0, но резултатот не го одликува она што се случуваше на теренот.
Домаќините имаа неколку 100% шанси, Инсиње ја погоди стативата во првиот дел, а Мертенс пак ја тресеше рамката од голот во вториот дел.
Па кога не им одеше на напаѓачите, на сцена стапи Албиол. Дефанзивецот највисоко скокна по еден корнер од левата страна и донесе 1-0.
Нашиот Горан Пандев не успеа да постигне гол и против својот трет поранешен клуб откако изминативе месеци ги тресеше мрежите на Интер и Лацио. Македонецот помина 67. минути на теренот, а мала утеха може да му биде тоа што кога ја напушти играта доби аплауз од домашните фанови кои очигледно ни ги забораваат неговите две години поминати на Сан Паоло.