Бен Вајт стави потпис на договор со Арсенал до 2028 година со опција за продолжување на уште една дополнителна сезона.

„Бен Вајт е клучен играч за нас, топ професионалец со победнички менталитет, еден од момците кои важат за пример секој ден“, рече Артета откако Вајт го стави потписот на новиот договор.

Подоцна излезе списокот на селекторот на Англија, Герет Саутгејт за престојните натпревари, а на него го немаше Вајт.

„Имавме повик од Арсенал минатата недела, ни рекоа дека Бен Вајт не сака да игра за Англија. Бен Вајт не сакаше да биде повикан и тоа е голема штета, тој е играч кој навистина го сакаме. Го земав за ЕП и СП. Зборував со него по Мундијалот во Катар, сакав да го викнам, но тој одби“, откри Саутгејт.