18 годишниот Маркус Рашфорд во февруари од анонимен фудбалер преку ноќ стана новиот херој на фановите на Манчестер јунајтед откако на дуелот со Митјиланд во своето деби за „Црвените Ѓаволи“ постигна два гола.

Напаѓачот потоа постигна уште неколку клучни погодоци во Премиерлигата, а за добрите игри беше награден од селекторот на Англија, Рој Хоџсон и се најде на поширокиот список за Европското Првенство.

Вечерва Маркус Рашфорд доби шанса да дебитира за „Гордиот Албион“ на пријателскиот натпревар со Австралија, и тој уште еднаш блесна.

По само 180 секунди, напаѓачот го постигна својот првенец во дресот на Англија.