Последната генералка пред натпреварот со Ливерпул во Лигата на шампионите избраниците на Ди Франческо ја поминаа одлично. Иако на теренот излезен мешан состав, Рома постигна три гола и стигна до три важни бода во трката за топ четири пласман.

Резултатот беше отворен во 33. минута кога Викари си постигна автогол. Наинголан погоди за 0-2 во 52. минута а по еден час игра, Шик ги постави конечните 0-3.

За Чехот, кој минатото лето беше пред трансфер во Јуве но „Старата Дама“ се откажа поради срцева мана на напаѓачот, ова беше прв гол во Серија А по пауза од една година, и прв во дресот на Рома во Калчото.