По повеќе од две децении Арсенал добива нов тренер, изборот падна на поранешниот стратег на Севиља и ПСЖ, Унаи Емери.

„Унаи Емери ќе биде нашиот нов главен тренер. Тој доаѓа во клубот по двегодишната работа во ПСЖ, каде ја освои Лига 1, Купот на Франција и Лига Купот“, стои во соопштението на Арсенал.

Тој е возбуден што ќе ја има честа да биде новиот тренер на Арсенал.

„Воодушевен сум што доаѓам во еден од најголемите клубови во фудбалот. Арсенал е познат и сакан низ целиот свет поради стилот на игра, посветеноста кон младите играчи, фантастичниот стадион, начинот на кој работи клубот. Многу сум возбуден што ми е дадена одговорноста да почнам ново важно поглавје во историјата на Арсенал. Сопствениците имаат големи амбиции и сакам заедно да им дадеме посебни моменти и спомени на оние кои го сакаат Арсенал“, изјави Емери.

Долго време се шпекулираше дека Артета ќе биде новиот тренер, но на крајот помалку изненадувачки изборот падна на Емери.