Дека ќе гледаме вистински спектакл беше најавено уште на самиот старт од мечот, во третата минута Начо го фаулираше Роналдо во шеснаесетникот, а судијата Роки не се мислеше многу, покажа на белата точка. Роналдо беше сигурен реализатор за водство од 1-0.
Шпанија тргна кон изедначување, до него дојде во 24. минута кога Диего Коста постигна убав гол за 1-1.
Пред самиот крај на првото полувреме Роналдо шутираше силно по средината на голот, Де Геа направи огромен кикс и Португалија повторно дојде во водство.
По десет минути игра во второто полувреме убава акција од слободен удар на Шпанија, Силва центрираше до Бускетс кој со глава го проигра Диего Коста а тој го постигна вториот гол за изедначување на 2-2.
Само три минути подоцна Начо упати вистинска бомба од далечина, го совлада Руи Патрисио за комплетен пресврт и водство на Шпанија од 3-2.
Шпанија ја имаше играта под контрола, Португалија јалово се обидуваше да дојде до изедначување, но во составот го имаат Роналдо, а тоа често е одлучувачко за натпреварот, така беше и сега.
