Србија играше за да победи, Костарика за да не загуби, на крајот Коларов беше фудбалерот кој пресуди.

„Слободниот удар дојде во тежок момент од мечот и знаев дека можам да истапам и да ги променам работите и токму тоа го направив“, вели Коларов кој беше прогласен за играч на натпреварот.

Задоволен од победата е и селекторот Младен Крстајиќ.

„Моите фудбалери го имаа вистинскиот приод, единственото. Требаше да бидеме компактни и во дефанзивата и во нападот и тоа беше најважно. Не сакам да знам за статистиката, не ми е грижа што се случувало во минатото. Тоа што е најважно за мене е дека ние одигравме како тим и бевме фокусирани“, изјави Младен Крстајиќ.