Гризман ги врати Триколорите повторно во водство на големото финале од Светското првенство, кратко траеше радоста на Коцкестите кои повторно ќе треба да се враќаат во негатива. Крај на првите 45 минути игра
Категорија: СП 2018 15.07.2018 17:48
Франција има водство од 2-1 против Хрватска во првото полувреме од финалниот меч од Мундијалот во Русија, следиме еден доста рамноправен меч, доста возбудлив како на едната, така и на другата страна.
Манџукиќ постигна автогол, а Перишиќ брзо израмни, сепак, во 38. минута Франција повторно се врати во водството.
Главниот арбитар на средбата во Москва, Питана мораше да ја искористи ВАР технологијата за да се увери во тоа дали имаше игра со рака на Перишиќ во казнениот простор на Коцкестите.
Аргентинскиот арбитар по прегледувањето на снимките пресече дека тоа е пенал, а потоа Гризман погоди за 2-1 надмудрувајќи го Субашиќ.
Со водство од 2-1, Триколорите заминуваат на паузата од големото финале, а одлуката на Питана дефинитивно ќе донесе и поделени реакции во фудбалската јавност.
In the first ever use of #VAR in a World Cup Final, Nestor Pitana gives a penalty to #France for a handball by Perišić in the box.#FRACRO #FRA #CRO pic.twitter.com/Hx0iTwGrrB
— Jason Foster (@JogaBonito_USA) July 15, 2018