Репрезентативецот на „црвено-жолтите“, Иван Тричковски и неговиот АЕК Ларнака се на чекор до плеј-офот од Лига Европа откако вечерва со 2-0 триумфираа на гостувањето во Грац.

Македонецот во 74. минута рутински ја затресе празната мрежа на Штурм за да го постави конечниот резултат.

Мечот ќе биде запаметен и по големиот инцидент кој се случи откако помошник судијата беше погоден со лименка пиво која полета од трибините. Настрада главата на шведскиот судија, Фредрик Кливер кој заработи голема исекотина и не можеше да продолжи да ја дели правдата.