Категорија: Германија 19.10.2018 22:55
Гол-шоуто на Комерцбанк Арена започна во 20. минута кога со помош на ВАР судијата покажа на белата точка а Алер донесе водство од 1-0.
Потоа на сцена стапи српската врска во Франкфурт, Гачиновиќ и Костиќ имаа двојно проигрување а убавата акција со мајсторски волеј ја заврши Јовиќ за 2-0 во 26. минута.
Во 34. минута, Јовиќ од врвот на шеснаесетникот погоди за 3-0 и најави тешка вечер за гостите од Дизелдорф. Алер зголеми на 4-0 во 50. минута, а 180 секунди подоцна Лукебакио постигна почесен гол за Фортуна.
За новиот гол не се чекаше многу, Јовиќ во 55. минута стигна до хет-трик, а истиот играч потоа уште два пати стрелаше прецизно за испишување на историја. Србинот стана најмладиот фудбалер кој постигнал пет гола на меч во Бундеслигата.