„Нероаѕурите“ стигнаа до цел плен на градското дерби иако се чинеше дека бодовите ќе бидат поделени. Џиџо Донарума направи голем кикс во 92. минута и му овозможи на Мауро Икарди да постигне гол.

Во еден прилично изедначен натпревар со многу борби и малку шанси, најголемите возбудувања се случија во првиот дел кога имаше два поништени гола, по еден на двете страни а Де Врај ја погоди и пречката по еден корнер.

Во продолжението од мечот, Милан повеќе мислеше како да остане непоразен а како одминуваше времето ниту пак Интер имаше желба нешто посериозно да го загрози голот на пртивникот.

И кога се чинеше дека нема да има голови на „Џузепе Меаца“, од една акција која не изгледаше опасна, голманот на Милан лошо процени една топка, заплива во празно и му овозможи на Икарди рутински со глава да ја затресе празната мрежа за голема радост на домаќините и три бода.