Категорија: Италија 08.12.2018 23:12
Рома попладнево прокоцка два гола предност на гостувањето кај Каљари, домаќините со двајца играчи помалку на теренот во 95. минута се изборија за 2-2.
Вечерва следеше нов инфаркт натпревар и разочарување за вториот тим од Рим. Лацио успеа да го сврте резултатот во своја корист откако Кваљарела во првото полувреме и донесе водство на Сампдорија. Ачерби во 79. минута најпрво изедначи на 1-1, за во 96. минута од мечот Имобиле од пенал да донесе 2-1.
И кога сите очекуваа три бода за „бјанкочелестите“, во 99. минута Сапонара со мајсторски потег го замолка „олимпико“. По една долга топка, гостинскиот фудбалер реагираше во стилот на Ибра и со акробатски волеј го лобуваше голманот на Лацио за голема радост.
Според Опта, овој гол постигнат точно по 98 минути и 49 секунди од мечот, е најдоцниот погодок во Серија А откако тие водат официјална статистика од сезоната 2004/05.