Категорија: Шпанија 16.01.2019 23:44
Минатата сезона малиот Леганес приреди голема сезанција во Копа дел Реј и го исфрли Реал Мадрид со триумф на „Сантијаго Бернабеу“.
„Лос пепинерос“ сепак немаа сили за ново чудо, но достоинствено се опростија од Купот на Шпанија. Вечерва пред своите фанови со 1-0 го совладаа Реал Мадрид, кој оди понатаму благодарејќи на триумфот од 3-0 остварен минатата недема.
Браитвајт беше стрелец на единствениот гол на мечот, напаѓачот на Леганес најдобро се снајде по една мешаница во петерецот и го совлада Кејлор Навас.
Претходно и Севиља се пласираше во четвртфиналето и покрај тоа што на домашен терен загуби од Атлетик Билбао со 0-1.