Категорија: Италија 18.01.2019 21:24
„Нероаѕурите“ сакаат да го обноват договорот на својот капитен со цел да ја избришат или зголемат откупната клаузула која во моментов изнесува 110 милиони евра, сума која и не е толку голема на денешниов луд трансфер пазар и неколку клубови се подготвени да ја активираат.
Ванда Нара пред десетина дена порача дека тие се далеку од согласност со Интер, дека немаат добиено понуда која ги задоволува нивните барања и откри дека четири клубови помеѓу кои Барса и Реал се распрашуваат за Аргентинецот.
Но вечерва сопругата на Мауро Икарди излезе со сосема поинаква изјава, и истакна дека голгетерот останува верен.
„Ќе го обновиме договорот, Икарди ќе стави потпис на нов договор, не грижете се. Нема никакви проблеми, секако дека Интер сака да го задржи Мауро“ – изјави Ванда за Стриша ла нотиција на Канале 5.