Категорија: Италија 18.01.2019 21:57
Криштоф Пјатек ќе треба да почека уште неколку дена за да стане ново засилување на „росонерите“. Полјакот неколку дена има договор со Милан за плата од 2 милиони евра по сезона, но двата клуба се уште си немаат подадено рака.
Денеска Леонардо се сретна со неговиот колега Џорџо Перинети, а потоа на состанокот се приклучи и првиот човек на Џенова, Енрико Прециози. Се веруваше дека неговото присуство е знак дека се комплетира трансферот, но денеска не падна конечен договор.
Како што пренесуваат медиумите од Италија, во преговорите влегле уште двајца играчи. Милан на Џенова и ги понудил Ален Халиловиќ и Андреа Бертолачи. Па популарнтие „рособлу“ сега ќе треба да пронајдат заеднички јазик со нив.
Следниот состанок е закажан за почетокот на следната недела, и ќе се случи по крајот на пресметката помеѓу Џенова и Милан (мечот се игра во понеделник во 15 часот) или во вторник.