Калчомеркато известува дека Интер се врати на патеката во трката за потписот на фудбалерот од средниот ред на Тотнем, Муса Сисоко, а Нероаѕурите наводно својот интерес за него ќе го потврдат во летниот преоден рок.

Актуелниот важечки договор на Сисоко со Премиерлигашот истекува во 2021. година, а од друга страна пак, интересно е тоа што Тотнем според шпекулациите кои ги објавија одредени медиуми, го посакува Иван Перишиќ од редовите на Интер.

Тотнем не реализираше ниту едно засилување во зимскиот преоден рок, а евентуална продажба на искусниот Французин би значело и потрага по негова замена на трансфер пазарот.

Во август Сисоко ќе наполни 30 години, а тој во Тотнем дојде од редовите на Њукасл во 2016. година за сума од 35 милиони евра.