Категорија: Лига на Шампиони 13.03.2019 08:35
Португалецот има срушено еден куп рекорди во Лигата на шампионите, каде е најдобар стрелец во историјата на ова натпреварување. Дека овие мечеви му будат посeбни мотиви уште еднаш покажа синоќешниот дуел против Атлетико.
Јувентус беше на прагот на елиминација откако загуби со 2-0 во Мадрид, но Кристијано Роналдо имаше магична ноќ и со хет-трик ја однесе „Старта дама“ во четвртфиналето. ЦР7 со овој учинок само ги подобри и онака лудите бројки во најелитното европско натпреварување.
Кристијано Роналдо може да се пофали со 124 погодока постигнати на 160 меча во Лигата на шампионите.
Тој е инволвиран во 77 погодока на 77 натпревари во нок-аут фазата од Лигата на шампионите (63 погодока и 14 асистенции).
Португалецот учествуваше во последните 5 елиминации на Атлетико Мадрид под водство на Диего Симеоне (2014 финале, 2015 четвртфинале, 2016 финале, 2017 полуфинале и 2019 осминафинале).
ЦР7 има постигнато 25 погодока на 33 натпревари против Атлетико Мадрид во сите натпреварување. Само Севиља му е „поголем пациент“ против кого има 27 погодока.
Кристијано Роналдо е првиот играч на Јувентус кој постигнал барем 3 погодока на натпревар од нок-аут фазата во Лигата на шампионите во последните 20 години. Последен на кого му успеало ова е Алесандро Дел Пјеро против Монако на 1. април 1998 година.
Хет-трикот против Атлетико Мадрид беше негов 8-ми во Лигата на шампионите со што се изедначи со Лео Меси.