Костариканецот за момент се погрижи Кралевите да не тргнат со негатива на денешната пресметка, во првиот меч на Зидан по враќањето на клупата на шпанскиот гигант.
Категорија: Шпанија 16.03.2019 20:52
Зинедин Зидан тргна со победа во својот прв меч по враќањето на клупата на Реал Мадрид, откако фаворитот го доби мечот пред своја публика со Селта со 2-0, но, веројатно многу работи ќе беа поинакви доколку Кејлор Навас не беше толку присебен во една прилика за гол на Селта.
Во моментите кога резултатот гласеше 0-0, гостите од Виго преку Гомез имаа убава прилика да го отворат мечот на Сантијаго Бернабеу на резултатски план, но, во таа ситуација се истакна Кејлор Навас кој веројатно на најдобар можен начин возврати на довербата на Зидан кој се одлучи да почне со него, а Куртоа за момент го „пресели“ на клупата за резервни фудбалери.