Селекторот на Аргентина, Лионел Скалони признава дека ситуацијата со напаѓачот на Интер, Мауро Икарди не е идеална, но инсистира на тоа дека тој би можел да биде повикан за натпреварите во Копа Америка.

Икарди беше изоставен од последниот состав на Аргентина откако тој мина 36 денови без тренинг и натпревар за Интер.

„Разговарав со Мауро пред да го објавам составот и му објаснив за мојата одлука зошто не е повикан“ рече Скалони.

„Тоа што се случува со него директно влијае и на нашиот национален тим, помеѓу сега и натпреварите во Копа Америка, ние ќе ги следиме случувањата околу него и додатно ќе одлучиме дали да го повикаме или не“ посочи тој.

Во меѓувреме, соиграчот на Икарди од редовите на Нероаѕурите е повикан во составот на Гаучосите за вечерашната пресметка со Венецуела, па токму тој ќе му прави друштво на Лионел Меси во нападот во контролниот меч.

Составот на Аргентина: Армани; Таљафико, Лисандро Мартинез, Фојт, Меркадо, Монтиел, Ло Селс, Паредес, Гонзало Мартинез, Меси, Лаутаро.