Младата македонска фудбалска репрезентација за играчи до 19 годишна возраст славеше победа од 2-1 во пријателскиот меч кој го одигра против соодветната селекција на Албанија, а триумфот дојде со пресврт.

Албанците први дојдоа до предност на контролката со голот во деветтата минута, но, на пет минути пред паузата на полувремето нашите надежи израмнија и навестија интересно второ полувреме.

По само осум минути игра во вториот дел, избраниците на Горан Станиќ дојдоа до предност од 2-1, резултат кој го сочуваа до крајот на мечот, иако во финишот останаа со играч помалку на теренот.

Пред само три дена, против истиот противник, нашите надежи одиграа реми.