Категорија: Англија 22.04.2019 16:43
Многумина очекуваат Ливерпул барем малку да се „штеди“ против Хадерсфилд во петок пред своја публика во рамките на Премиерлигата, а со цел за првата пресметка против Барселона на гости во полуфиналето од Лигата на шампионите.
Тимот од Енфилд се бори на два фронта во завршницата од актуелната сезона, во моментов е лидер во Премиерлигата со два бода повеќе од Манчестер Сити, но и меч повеќе во однос на големиот ривал на три кола до крајот на првенството.
Германскиот стратег од клупата на Ливерпул, Јирген Клоп по вчерашната победа на гости кај Кардиф (0-2) испрати јасна порака дека неговиот состав целосно ќе се фокусира на мечот со фенерџијата во Премиерлигата.
„Некои луѓе би не прашале дали размислуваме за Барселона или некои слични сра*a како тоа прашање“ рече Клоп.
„Ние целосно ќе се фокусираме на мечот со Хадерсфилд, но, дотогаш ќе треба да се одмориме, а воедно и да се подготвиме добро“ додаде Германецот.