Категорија: Германија 22.05.2019 18:46
Борусија Дортмунд направи одличен бизнис. Кристијан Пулишиќ го продаде на Челси за 66 милиони евра, а со овие пари, не само што донесе замена за репрезентативецот од САД, засили и неколку позиции во тимот.
Синоќа беше соопштен трансферот на Нико Шулц од Хофенхајм. Левиот бек пристигнува на „Сигнал Идуна Парк“ за 25 милиони евра. Утрово беше потврден и трансферот на Торган Азар, кој пристигнува од Борусија Менхенгладбах за почетна сума од 25,5 милиони евра и уште неколку милиони во бонуси.
Попладнево беше презентиран и Јулијан Бранд од Баер Леверкузен. Перспективниот Германец имаше откупна клаузула од 25 милиони евра, и токму оваа сума ја плати Борусија Дортмунд.
#WirHabenBRANDTpic.twitter.com/hfyfp9yMZf
Ich packe meine Kiste und nehme mit...#Hazard2024 pic.twitter.com/p651I64d8T
— Borussia Dortmund (@BVB) May 22, 2019