Легендарниот голман требаше да се пензионира минатото лето, таков беше првичниот план откако не стави потпис на нов договор со Јувентус. Но потоа ПСЖ тропна на неговата врата, и Џиџи Буфон (примамен од парите или желбата за успех во ЛШ) реши да продолжи и стави потпис на едногодишен договор со опција за додатни 12 месеци.

Тој не се изнаигра многу во Париз оваа сезона и лидерите на „светците“ сега се на два ума, дали да ја продолжат соработката со ветеранот или пак да донесат нов голман од светска класа.

Доколку им требаше разубедување дека е истечено времето на Џиџи Буфон, денешниот меч со Ремс покажа дека ветеренот е спремен за пензија. Во последното коло од сезоната, Баба од мртов агол му даде гол низ нозе на Италијанецот.

Ништо подобра не беше и реакцијата на голманот при вториот гол на домаќините, кои на крајот славеа со 3-1.