Категорија: Италија 27.06.2019 11:56
Џанлуиџи Донарума летово би можел да го напушти Милан, во текот на вчерашниот ден во Италија пренесоа дека ПСЖ веќе ги почнал преговорите со Милан за негов ангажман, а „Тутоспорт“ веќе објави и детали од потенцијалниот договор помеѓу обата клуба.
Францускиот првак се вели дека е подготвен да се избори за потписот на младиот голман, обата клуба се во преговори, а се споменува дека можно е да дојде и до трампа во самиот договор, во која би биле вклучени Донарума од едната, како и Алфонс Ареола од другата страна.
Од Милан го проценуваат нивниот голман на околу 50 милиони евра, меѓутоа посакуваат во договорот со ПСЖ да биде вметнат и францускиот голман, кој на трансфер пазарот се смета дека има вредност околу 20 милиони евра.
Со тоа, барањето на Росонерите е 50 милиони евра во кеш, како и дополнително да го добијат Ареола, дали ќе се оствари нивното барање, останува да видиме во периодот кој претстои.