Категорија: Шпанија 24.07.2019 07:42
Герет Бејл е главна тема во изминатите денови поради лошиот однос со Зинедин Зидан кој изјави дека колку побрзо си замине Велшанецот толку подобро.
На мечот со Арсенал, Бејл доби шанса во второто полувреме и веднаш постигна гол покажувајќи дека Зидан треба да смета на него.
Арсенал поведе уште во десетата минута со гол на Лаказет од пенал. Најстрогата казна беше досудена по игра со рака на Начо.
Не поминаа ни 15 минути по водството, Арсенал поведе и со 2-0 со погодок на Обамејанг.
Во финишот од првото полувреме Сократис за само две минути успеа да заработи два жолти картони.
Во второто полувреме Зидан направи повеќе измени, во игра го пушти и Герет Бејл кој во 56. минута се најде на вистинското место и постигна гол за намалување на 2-1.
Само три минути подоцна Асенсио го израмни резултатот на 2-2. Тоа беше и конечниот исход во регуларниот дел, по што се шутираа пенали.
Во пенал рулетот Бејл го промаши ударот од белата точка, но за Арсенал не реализираа Џака, Монреал и Бартон, па Реал Мадрид на пенали го доби овој дуел.